၂၀၁၂ ရွှေဘို ငလျင် သည် မန္တလေးမြို့ မြောက်ဘက် မိုင် ၇၀ ဝန်းကျင်တွင်ရှိသည့် ရွှေဘိုခရိုင်၌ ဗဟိုပြုပြီး လှုပ်ခတ်ခဲ့သည် ငလျင်ကို ဆိုလိုခြင်းဖြစ်သည်။ ထိုငလျင်ကြောင့် လူ ၂၆ ဦးထက် မနည်း သေဆုံးခဲ့ပြီး လူအများအပြား ဒဏ်ရာ ရရှိခဲ့သည်။ ငလျင်၏ ပြင်းအားမှာ ၆ ဒဿမ ၈ရှိပြီး ရွှေဘိုအနီးရှိ ဆောက်လုပ်ဆဲ မြစ်ကူးတံတားကြီးတစ်ခု ပြိုကျပျက်စီးခဲ့ကာ စေတီပုထိုးများနှင့် နေအိမ်များ ပျက်စီးခဲ့သည်။ မိုးကုတ်မြို့မှ စေတီများလည်း ပျက်စီးခဲ့ပြီး ငလျင်ဒဏ်အားကို အိမ်နီးချင်း ထိုင်းနိုင်ငံ ဘန်ကောက်မြို့မှပင် တုန်လှုပ်ခံစားရသည်ဟုဆိုသည်။